كلمات صريحة : بدرالدين الباشا : الشبهات والشكوك
يتحمل اتحاد كرة القدم السوداني ونائب رئيس الاتحاد اسامة عطاالمنان كامل مسئولية استبعاد وحرمان نادي حي الوادي نيالا من المشاركة في البطولة الكونفدرالية الافريقية للأندية واضح طريقة الاستبعادو الحرمان والشبهات والشكوك تحوم حولهم تمت الاجراءت بنوايا سيئة وبخبث شديدوتعمد واستهداف وقصد من اطراف اللعبة في اتحادنا. الناس ديل في بعضهم نفوسهم مليانة حقد وكراهية ضد بعض المصيبة الكبيرة شغالين وعايشين تحت سقف واحد ياكلوا ويشربوا وينموا وساكنين سوا.
أعوذ بالله واستغفر الله العظيم منهم والله يكفينا شرهم شغالين حفر شديد ودسائس ومؤامرات لبعض اسباب الاستبعاد من الممكن وبسهوله شديد وبيسر تحل وتعالج الاخطاء ويصحيح مسار نادي حي الوادي نيالا وتوفيق اوضاعة بواسطة لجنة تراخيص الأندية السودانية ودا شغلهم ومهمتهم واجبهم المفروض يقوم بة اتحاد القدم علي اكمل وجة زي ما بيحصل في كل الدول الافريقية اتحادتها تساعد الأندية تساهم في حلحلت مشاكلهم وتصحيح المسار ومخاطبتهم رسميا واخطارالنادي بالشروط والإجراءت والمطلوب من اجل مصلحة كرة القدم في هذة الدول من اجل ومصلحة الأندية السودانية الحكاية والقصة اختلاف مصالح ومنافع مجموعة التغيير منذ توليهم السلطة ما غيروا اي حاجة غير لبسهم واحذيتهم الله يفرتكم زي ما فرتكوا الكورة السودانية الشغل بقي واضح بدون سرية وصمت قبل فترة من الانتخابات في حاجات تانية ما ظاهرة لكل الناس المثل السوداني بيقول الطمع ودر ما جمع كل طرف عمل مجموعة وكوم دمعتصم جعفر ومجموعتة واسامة عطا المنان ومجموعتة في ناس رايحن تحت الرجلين ماسكين العصي من النص حاجة مؤسفة كل التصريحات وبرنامج الانتخابات راح شمار في مرقة ولم يصمد امام اول عاصفة ضربتهم شتت شملهم .لسة ونحنا في البداية ماعارفين النهاية تكون كيف حق الناس والمظلومين بداء يظهر عليهم والله حق الناس ما بيروح ساكت.
